देशभरकाे माैसममा सामान्य बदली रहने

खास खबर

Home
खास खबर
देशभरकाे माैसममा सामान्य बदली रहने

देशभरकाे माैसममा सामान्य बदली रहने देशभरकाे माैसममा सामान्य बदली रहने

Janani Nepal शनिबार, साउन २८, २०७९

माैसम पूर्वानुमान महाशाखाका अनुसार आज देशभरकाे माैसममा सामान्य बदली रहनेछ । हाल मनसुनको न्यून चापीय रेखा पूर्वतर्फ सरदर स्थानको आसपास तथा पश्चिमतर्फ सरदर स्थानभन्दा दक्षिणमा अवस्थित रहेको छ । अहिले देशको पहाडी भू-भागमा आंशिकदेखि सामान्य बदलीरही बाँकी भू-भागमा आंशिक बदली रहेको छ । देशभरिकै माैसम दिउँसो पनि आंशिकदेखि सामान्य बदली रहनेछ । देशका पहाडी भू-भागका केही र बाँकी भू-भागका थोरै स्थानहरूमा मेघ-गर्जन, चट्याङ्सहित हल्कादेखि मध्यम वर्षाको सम्भावना रहेको छ । बागमती प्रदेश र कर्णाली प्रदेशका एकदुई स्थानमा भारी वर्षाको सम्भावना समेत रहेको जल तथा मौसम पूर्वानुमान महाशाखाले जनाएको छ ।

राती पनि देशका पहाडी भू-भागमा सामान्य बदलीरही बाँकी भू-भागमा आंशिकदेखि सामान्य बदली रहनेछ । बागमती प्रदेश र लुम्बिनी प्रदेशका एकदुई स्थानमा भारी वर्षाको सम्भावना रहेको छ ।

वर्षातसँगै बाढी-पहिराेकाे जाेखिम कायमै रहेकाले सतर्क रहन समेत महाशाखाले चेतावनी जारी गरेकाे छ ।

प्रकाशित मिति: शनिबार, साउन २८, २०७९ १०:०९

प्रतिक्रिया दिनुहोस्