के हो यौन रोग ? जानिराखौं

प्रकाशित मिति: ७ असार २०७७, आईतवार

यौन रोग भन्नाले यौन क्रियाकलापद्वारा प्रसारित रोगहरु भन्ने बुझ्नुपर्दछ ।
साधारणतया यौन रोग लागेको व्यक्तिसंग यौन सम्पर्क गर्दा सर्ने रोगहरुलाई यौनरोग भनिन्छ ।
जस्तै: भिरंगी, धातुरोग, जननेन्द्रीय, मुसा आदि ।
खासै ठूलो रोग नसोचिए पनि यसको दीर्घकालीन असर खतरनाक हुन सक्दछ । यसको प्रभावबाट सन्तान उत्पादन प्रणालीलाई समेत असर गरी बाझोपन, पुरुषमा पिसाब फेर्न गाह्रो हुने तथा अन्धोपन, मुटुको रोग, क्यान्सर र मृत्युसम्म भएको पाइन्छ ।
यौन रोग लागेको आमाबाट जन्मेका बच्चामा अन्धोपन आउनु, बजन कम हुनु, मरेको बच्चा जन्मनु वा जन्मजात भिरंगीको शिकार भएको पाइएको छ ।
मानिसको बद्लिदो जीवनशैलीका कारण यौन रोग पनि बढ्दै गएको छ ।

 

यौन रोग बढ्नुको मुख्य ४ कारणहरु :

१)अहिले सामाजिक मुल्य र मान्यतामा परिवर्तन आएसंगै
युवावर्ग विवाहपुर्व यौन सम्पर्क बनाउन कुरा सामान्य
भइसकेको छ । यौन क्रियाकलापमा बढेको स्वतन्त्रताले यौन
रोग पनि बढ्दै गएको छ । असुरक्षित यौन संबन्धले महिलामा
विभिन्न प्रकारका यौन रोग जस्तो सिफलिस,गनोरिया र
पुरुषमा एचआइभी एड्स जस्ता गंभिर रोग सर्ने खतरा बढेर
जान्छ । यौनअंगमा संक्रमणको कारण अनेकौं रोगको
खतराको साथै निसन्तानपन जस्ता समस्या पनि उत्पन्न हुन
सक्छन् ।

२) मानिसहरुले आफ्नो करियरलाई धेरै महत्व दिँदा विवाह
ढिलो गर्न थाल्छन् । धेरै गर्भनिरोधक चक्कीको प्रयोगले यौन
स्वास्थ्यमा नकरात्मक प्रभाव पार्दै जान्छ । जसले गर्भधारण
गर्न पनि समस्या बढेर जान्छ । करियरलाई नै बढी
प्राथमिकता दिँदा गरेको यौन क्रियाकलापले मानसिक र
शारीरिक समस्या निम्ताउँछ ।

३) अस्तव्यस्त जीवनशैली, रातभर पार्टीमा धुम्रपान र रक्सीको
सेवनले यौन जीवनलाई प्रभाव पार्छ । धुम्रपान गर्ने मानिसको
शुक्रकिटको संख्या र त्यसको गतिशिलतामा पनि कमि आउँछ।
महिलामा भने मासिक चक्रमा गडबडी आउने जस्ता समस्याले
सताउँछ ।

४) मानिसहरु अहिले यति व्यस्त भएका छन् कि शारीरिक
श्रमको नाममा केहि पनि गर्दैनन् । हिंड्न मन नपराउने,
भर्र्याङ् नचढ्ने, कुनै व्यायम पनि नगर्ने गर्दछन । विहान
बेलुकी पनि यसो खुल्ला हावा खान पनि बाहिर निस्कँदैनन् ।
शारीरिक श्रम नर्गनाले शरीरमा पाचनप्रक्रिया निस्कृय भएर
जान्छ । पाचनप्रकृया निष्कृष हुँदा शरीर दुर्बल हुने वा बोसो
जम्ने हुन्छ । समय भन्दा अगाडी नै कपाल सेतो हुने ,
झर्ने, छाला चमकविहिन हुन जान्छ र अनुहार पनि
समयभन्दा अगाडी नै बुढो देखिन जान्छ । जसले मानिसमा
यौन प्रति खासै रुचि नहुने वा यौन समस्या बढ्दै जान्छ।

 

यौन रोगका लक्षणहरु :

–महिलामा हुने प्रमुख लक्षणहरुमा योनीबाट असाधारण सेतो
दही जस्तो गन्हाउने पानी बग्नु ।
(नोट: महिलामा थोरै सेतो पानी बग्नु नर्मल हो), तल्लो
पेट
दुख्नु, यौन सम्पर्क गर्दा तल्लो पेट दुख्नु , महिनाबारीबाहेक
योनीबाट रगत बग्नु ।

-पुरुषमा हुने प्रमुख लक्षणहरुमा लिंगबाट बाक्लो पीप जस्तो
पानी बग्नु, पिसाब गर्दा दुख्नु पोल्नु, पीप जस्तो पानी
बग्नु, पिसाव गर्दा दुख्नु (पोल्नु, लिंगवरिपरि गिर्खा ,
पानीफोका आउनु, चिलाउनु, अण्डकोष दुख्नु) ।

-महिला/पुरुष दुवैका साझा लक्षणहरुमा यौन अंग र मुख
वरिपरी घाउ, खटिरा आउनु, पिसाब फेर्दा पोल्ने वा दुख्ने
हुनु, निरन्तर थकाई लाग्नु, टाउको दुख्नु, घााटी दुख्नु,
ज्वरो आउनु, जीउ दुख्नु गुप्ताङ्ग वरिपरि सुनिनु । (नोट:
पुरुषको लिंगको, लिंगमुण्डको चारैतिर रहेका राता साना
बिमिराहरु नर्मल हुन् ।)

 

यौनरोग सर्ने माध्यमहरु :

सबैजसो यौनरोग यौन सम्पर्कबाट नै सर्दछ । यदि एक व्यक्ति
संक्रमित छ भने उसले आफ्नो साथीलाई वीर्य, योनीरस तथा
रगतबाट सार्न सक्दछ । यसबाहेक छालासंगको सिधा
सम्पर्कबाट पनि सर्न सक्छ । पुरुष–पुरुष, महिला–महिला,
महिला–पुरुषमा सर्दछ ।

 

यौनरोगबाट बच्ने उपाय र उपचार :

हामीलाई जानकारी भएकै कुरा हो, रोग लागेर उपचार
गर्नुभन्दा लाग्नै नदिन सावधानी अपनाउनु उत्तम हो ।
यौनसंगको सम्वन्धमा त यो झनै सान्दर्भिक देखिन्छ ।

 

बच्ने उपायहरु :

–धेरै जनासंग असुरक्षित यौन सम्पर्क नराख्ने ।

–यौनरोग भएको अथवा माथिका लक्षणहरु देखिएकासंग मात्र
यौनसम्पर्क नराख्ने ।

–आकस्मिकरुपमा अथवा राम्रोसंग नचिनेको व्यक्तिसंग यौन
सम्पर्क नराख्ने ।

–यौनसम्पर्क राख्नै परे कन्डमको प्रयोग गर्ने ।

–गुप्ताङ्गमा घाउ छ, सुनिएको छ वा गााठो छ भने तुरुन्त
डाक्टरलाई देखाउने ।

–यौनरोगको औषधिको पूरा मात्रा सेवन गर्ने ।

–औषधिले निको नभएमा डाक्टरलाई पुन: भेट्न जाने ।

–आफूसंगै आफ्ना यौन साथीको संगसंगै उपचार गराउनुपर्दछ ।

–यौन सम्पर्क गरेपछि गुप्ताङ्ग राम्रोसँग सफा गर्ने ।


तपाईंको प्रतिकृयाहरू


ताजा अपडेट